Форумот на слободоумни патриоти реагира дека неприфатливо е однесувањето на државата и институциите за начинот на кој тие се справуваат со кризата.
– По незнаеме кој пат на дело се покажа деструктивното делување на врхушката и систематското ништење на институциите. Итно ја повикуваме Владата, Министерството за внатрешни работи, Министерството за одбрана, како и Дирекцијата за заштита и спасување и Центарот за управување со кризи да:
Раководењето со кризниот штаб да го превземе АРМ, по незнам кој пат се покажа дека Тодоров освен за сликање, за ништо друго не го бидува.
Ги повикаат пензионираните припадници на Министерството за внатрешни работи и Министерството за одбрана да се вклучат во расчистувањето на поплавите. Станува збор за докажани професионалци, кои ќе одговорат на висина на задачата.
Да прогласат вонредна состојба и целата администрација ја упатат во погодените подрачја, се со цел побрзо и поефикасно да им се помогне на луѓето.
Итно да се имплементира стратегијата за справување со природни незгоди, бидејќи според нас заради неконтролираната градежна експанзија планината Водно е едно од следните критични подрачја, стои во соопштението на Форумот.
Тие исто така ги повикуваат политичарите да прекинат со пропагандата, да прекинат да парадираат низ поплавените региони и да креваат тензии, бидејќи како што велат, на населението им треба помош, а не сликање.
Форумот на слободоумни патриоти им изразува сочуство на семејствата на трагично настраданите во поплавите во Скопје.