Членовите на Форумот за демократска Македонија, заедница на иселеници, се сретнаа со Специјалната јавна обвинителка Катица Јанева во просториите на СЈО.
Како што се вели во соопштението од ФДМ, на средбата, претставниците на Форумот, Маја Петрушевска, Маја Панова и Алексеј Демјански ја запознале обвинетелката Јанева со програмата, целите и мисијата на Форумот.
Како организација што се залага Македонија да биде демократска и правна држава во вистинска смисла на зборот, ФДМ ја потврдил целосната поддршка за работата на СЈО.
Обвинителката Јанева се осврнала на предизвиците со кои СЈО се соочува од формирањето до денес. Претставниците на ФДМ го поздравиле придонесот на ова обвинителство на полето на транспарентност и родова еднаквост и изразија поддршка СЈО да продолжи да работи како независна институција.
Доколку е потребно, ФДМ е подготвен да ги стави на располагање своите професионални капацитети, искуства и меѓународна мрежа на контакти со правни и антикорупциски експерти од целиот свет, се вели во соопштението.
#ПоинакваДијаспора