Published: Saturday, February 26, 2022 13:40
Жена се породи во метро станицата во украинската престолнина Киев каде илјадници граѓани беа засолнети од хаосот предизвикан од руската инвазија врз Украина, пренесува „Daily Mail“.
Додека се криела од нападот во импровизираното засолниште, синоќа, нешто пред 20.30 часот, младата жена родила девојче по име Миа, а нејзиниот плач го слушнала украинската полиција која притрчала на помош.
Еден полицаец рекол дека ѝ помогнале да роди девојче и повикале брза помош која ги однела и двајцата во болница, каде останале и се добро.
Фотографијата од мајката на Миа (23) брзо го обиколи светот, а веста за нејзиното раѓање брзо се прошири на социјалните мрежи.