Во знак на протест поради корона-политиката на бразилската влада и во знак на сеќавање на починатите, на плажата Копакабана во Рио де Жанеиро се поставени 100 надгробни крстови, објави „Дојче Вече“. Акцијата е на невладината организација „Рио де Паз“ и за секој крст е ископан и по еден празен гроб.
„Ова беше најтешкиот протест во нашата историја“, напиша претседателот на организацијата Антонио Коста на Твитер.
Во Бразил, според официјалните податоци, досега починаа 40.919 луѓе, а 802.828 се инфицирани со Ковид-19. Претседателот Болсонаро го минимизира коронавирусот и отфрла преземање мерки за сузбивање на пандемијата. Затоа Врховниот суд го префрли овластувањето за преземање мерки во рацете на сојузните држави во Бразил и на општините.
