Украинскиот претседател Володимир Зеленски и неговата сопруга Олена Зеленска дадоа телевизиско интервју во Киев за контроверзниот британски новинар и водител Пирс Морган. Дел од интервјуто ќе се емитува вечерва, а во него и двајцата велат дека војната во Украина ги зближила уште повеќе. Во еден момент, Морган ја прашува двојката: „Вакви ситуации можат да направат или да го нарушат бракот. Дали сега вашиот брак е посилен поради она низ што си поминал?”
Олена одговара: „Се согласувам со теоријата дека бракот станува посилен со предизвици. Мислам дека истото се случи и во нашиот случај“.
Првата дама потоа му се обраќа на својот сопруг, кој пет месеци го предводи украинскиот отпор, барајќи мислење за нивниот брак.
Зеленски вели: „Мојот одговор не е поинаков!“, на што Олена му вели: „Треба да имаш свое мислење за тоа“.
Смеејќи се, Зеленски возвраќа: „Кога си до мене, твоето мислење има предност!“
Олена се омажи за Зеленски во 2003 година и заедно имаат две деца, деветгодишниот Кирил и 18-годишната Александра. Таа стана прва дама на Украина откако Зеленски беше избран за претседател во 2019 година.
„Не се работи за романса, само никој не сака да го доведе семејството во опасност. Секако дека ми недостигаа. Многу сакав да ги гушнам. Мојата сопруга има силна личност и е многу посилна отколку што мислеше дека е. Секоја војна, вклучително и оваа, кај човекот го наоѓа она за што не е ни свесен – додаде тој.
Деновиве и Олена Зеленска беше фотографирана за специјална насловна страница на Вог, во потег кој некои го оценија како контроверзен. Некои мислат дека не е време за оваа приказна, додека други сметаат дека е оправдана. Коментарите под фотографиите беа бурни. „Дали е ова некаква шега“, „Професионално фотографирање во воена зона?“, „Таа се слика додека луѓето умираат!“ Таа за „Вог“ проговори и за својот семеен живот: „Ова беа најстрашните месеци во мојот живот. и животот на секој Украинец. Да бидам искрен, мислам дека никој не е свесен како емотивно излеговме живи од оваа ситуација“.
Зеленски заедно со сопругата позираше за Вог. Заедно позираа за познатата фотографка Ани Лебовиќ. „Како и секој човек, бев загрижен за моето семејство, за нивната безбедност“, изјави Зеленски.
Olena Zelenska and Volodymyr Zelenskyy photographed by Annie Leibovitz, 2022.
What a powerful image! pic.twitter.com/W9o4QJAiqn
— Bohdana Neborak 🇺🇦 (@BohdanaNeborak) July 26, 2022
For Vogue’s special digital cover story, Zelenska and her husband Ukrainian president Volodymyr Zelenskyy spoke about life in wartime, their marriage and shared history, and their dreams for Ukraine’s future. Read the full profile here: https://t.co/2SQklu7icR
— Vogue Magazine (@voguemagazine) July 26, 2022