Шестото издание на Францускиот филмски фестивал официјално ќе биде отворен во кино салата на Cineplexx во Скопје во Сити мол, во среда со проекција на филмот „Камиј повторува ” во режија на и во присуство на Ноеми Лвовски.
Фестивалот ќе трае до 26-ти до 27-ми јуни во Скопје (Cineplexx, Сити Мол) и од 28-30 јуни во Охрид (Центар за култура Глигор Прличев).
На него ќе бидат бидат присутни еминентни гости од Франција и ќе бидат прикажани најновите остварувања од француската кинематографија. Предвидено е да се прикажат 10 долгометражни и три краткометражни филмови. Фестивалските денови ќе ги затвори филмот „Последната изборна кампања ” на режисерот Бернар Стора.
Овој фестивал се одржува во организација на Францускиот Институт во Скопје, а со поддршка на Министерството за култура и градот Охрид како и Регионот на Долна Нормандија.
Овогодишната официјална селекција на филмовите ја направи Жан- Мишел Фродон, поранешен главен уредник на „Каје ди Синема”.
Фестивалот на францускиот филм во Охрид е централна француска културна манифестација во Македонија, но и прва културна странска манифестација во земјата. Фестивалот е, на некој начин, предвесник на фестивалот Охридско лето.
На овој фестивал публиката ќе има исклучителна можност да ги види најновите филмски остварувања од француската кинематографија, која важи за една од најплодните, европски кинематографии која ја карактеризира високо ниво на естетика, професионалност и културни вредности