Партиите на големата германска коалиција, по долги преговори, конечно се договорија околу името на идниот германски претседател а тоа ќе биде Франк-Валтер Штајнмајер, 60 години, актуелниот министер за надворешни работи на Германија.
Штајнмајер ќе го наследи социјал-демократот Јоаким Гаук. Претседателската функција во Германија е пред се протоколарна.
Во текот на преговорите кој да биде новиот претседател, партијата на Ангела Меркел ЦДУ долго не ја даваше својата согласност но не успеа да најде кандидат во своите редови. Според аналитичарите ова претставуа неуспех за Меркел но други сметаат дека со именува на Штајнмајер како претседател Меркел го тргнала својот можен ривал за уште еден премиерски мандат.
Штајнмајер и е добро познат на светската јавност особено откако стана шеф на германската дипломатија а претходно беше директор кај претходниот канцелар Герхард Шредер. Тој беше еден од авторите на големата реформа на работниот пазар и социјалното осигурување од 2003 година до 2005 година, реформи кои дозволија значајно подобрување на германската економија.
Тој е приврзаник на дијалог со Москва и постепено укинување на санкциите кон Русија и нема високо мислење за новиот американски претседател Доналд Трамп.
Штајнмајер е еден од најпопуларните политичари во Германија а неговото влегување во претседателскиот кабинет е предвидено за февруари 2017 година.
Со ослободувањето на функцијата министер за надворешни работи се очекува на тоа место да дојде социјал-демократот Мартин Шулц, сегашниот претседател на Европскиот парламент.