Published: Wednesday, March 13, 2013 19:42
Сто и петнаесетте кардинали вечерва го избраа новиот поглавар на Католичката црква, наследникот на Бенедикт Шеснаесетти. Аргентинскиот кардинал Хорхе Марио Бергољо е новиот поглавар на Римокатоличката црква.
Неговото папско име ќе биде Френсис I.
Белиот чад од Систинската капела му објави на светот дека кардиналите избраа нов Папа.
Иако се претпоставуваше дека конклавата за изборот на новиот папа ќе трае и до пет дена, новиот папа е прогласен веќе на вториот ден. Според правилата, кардиналот Жан Луис Тауран го објави изборот на новиот папа со латинските зборови: “Annuntio vobis gaudium magnum. Habemus papam”, односно “Објавувам голема радост. Имаме папа!”.
Пред да започне конклавата, немаше фаворит кој би го заменил Бенедикт XVI.