Демократијата претрпе значителни неуспеси ширум светот во 2023 година, објави денеска американската организација за промоција на демократијата Фридом Хаус.
Во својот годишен извештај, истражувачката група со седиште во Вашингтон рекласифицираше две земји – Еквадор се пресели од „слободна земја“ во „делумно слободна земја“ и Тајланд се пресели од „неслободна земја“ во „делумно слободна земја“.
На глобално ниво, политичките права и граѓанските слободи се намалија во 52 земји, при што само во 21 дојде до подобрување, што ја одбележа 18-та година по ред на пад на глобалните слободи.
„Сите региони забележаа пад. Влошувањето е доста распространето“, рече коавторката на извештајот Јана Гороховска.
Извештајот ги споменува напорите на актуелните лидери „да ја контролираат изборната конкуренција, да ги попречат нивните политички противници или да ги спречат да дојдат на власт“ во Камбоџа, Турција и Зимбабве, како и во Гватемала и Полска, но таму неуспешно.
Најголем пораст на скалата на Фридом Хаус од 100 забележа Фиџи, кој освои седум поени.