Вардар и Копенхаген вечерва ќе отпочнат четврти македонско-дански двомеч по капа на Европската фудбалска асоцијација (УЕФА). Трите досегашни им припаднаа на екипите од северот на континентот кои имаат пет победи и пораз во шесте одиграни дуели.
Единствената победа, засега, е на прилепска Победа над Митјиланд во квалификациите за УЕФА купот за сезонта 2002/03. Прилепчани, како домаќини, славеа со 2:0 на што Данците возвратија со 3:0 во реваншот и опстанаа во натпреварувањето.
Слога Југомагнат, пак, беше елиминирана од Брондби во квалификациите за Лигата на шампиони за сезоната 1999/00. Тогашниот дански првак во двата меча забележа минимални победи над чаирчани (1:0, 1:0).
Непријатно искуство со Данци од минатото носи и Работнички. Ждрепката за третото квалификацицко коло за Лига Европа во сезоната 2009/10 ги спои дебармаалци со Оденсе чии фудбалери, исто така, триумфираа во двата меча (4:3, 3:0).
На потег се вардарци кои освен за себе ќе играат и за поправање на честа на македонските претставници во пресметките со ривали од Данска.
Историјат на македонско-дански фудбалски пресметки
Квалификации за Лига на шампиони (сезона 1999/00)
Слога Југомагнат – Брондби (0:1; 0:1)
Квалификации за УЕФА куп (сезона 2002/03)
Победа – Митјиланд (2:0; 0:3)
Квалификации за Лига Европа (сезона 2009/10)
Работнички – Оденсе (3:4; 0:3)