На изложба за современа уметност насловена како „Опседнати со победата“ која е поставена во Познан, Полска меѓу светските имиња присутни се и македонските уметници Филип Јовановски, Јане Чаловски, Никола Узуновски и уметничката група Опсесивно Посесивна Агресија (ОПА).
Нашето дело, видео-инсталацијата “Eternal Body”, вклучува снимки од масовни собири снимени во Македонија, и реферира на стратегиите на создавање на дисциплинирано општество, т.е. креирање на “потчинети тела”, објаснуваат за НОВА, Денис Сарагиновски и Слободанка Стевческа од уметничката група ОПА (Опсесивно Посесивна Агресија).
„Она што за нас е интересно во овој проект е спојот на спортот, национализмот и желбата за моќ и доминација, во една групна изложба, поместена токму во замок кој во своето минато доживеал реконструкција и трансформација во резиденција на Хитлер. Во таков естетски и историски контекст, селектираните дела создаваат моќна изјава за денешниот подем на ксенофобични општества“, велат од ОПА.
Стартната линија на изложбата е филозофијата на победа. Опседнатоста со победа или со успешноста во најмала рака е клучен дел од јавната сфера и спектаклот.
„Замек“ – Центарот за култура во Познан е една од најголемите институции од ваков вид во Полска. Секоја година, повеќе од 200 илјади луѓе учествуваат во неколку стотици различни културни настани: изложби, концерти , филмски ревии, театарски претстави, состаноци, или едукативни работилници .
Ентериерите на оваа речиси сто години старата зграда – соби , ходници и дворови – обезбедува простор за различни проекти. „Замек“ е во исто време е галерија, кино, концертната сала и театар.