Освен во Скопје, стотици граѓани излегоа на протест и во Тетово, Кичево, Струмица, Велес и Прилеп.
Тетовци за првпат протестираат по одлуката на Иванов за колективна аболиција на политичарите.
Граѓаните на Велес протестираат седми ден по ред.
Протестите веќе втора недела по ред не стивнуваат ниту во Струмица.
Протестот на „Протестирам“ под мотото “Нема правда нема мир” во Кичево започна од градскиот плоштад по булеварот и заврши пред зградата на основниот суд во Кичево.
Од движењето „Протестирам“ за денеска најавија протести и во Битола, Прилеп, Охрид. Еве како изгледаше протестот во Прилеп.
Колона граѓани масовно се приклучуваа на протестот кој се одржа вечерва.
За прв пат кон „Протестирам“ се приклучуваат Кичево, Радовиш, и Тетово.
Дел од атмосферата во Радовиш:
Демонстрантите обединети под граѓанската палтформа #Протестирам бараат итно повлекување на одлуката за аболиција на сите оние против кои се води истрага и е покренато обвинение од Специјалното обвинителство. Се бара итна и неотповиклива оставка на Иванов од функцијата претседател на Република Македонија, произнесување на Уставниот суд за уставноста на Специјалното јавно обвинителство, како и формирање на специјално одделение во Кривичниот суд за случаите на СЈО.
Дел до барањата исто така се и итно повлекување на одлуката за одржување на парламентарни избори на 5. јуни, задолжително присуство на претставници на граѓанското општество во процесот на решавање на кризата. Тие сметаат дека процесот на решавање на кризата треба да се одвива на територијата на Македонија и тоа сè додека не се формира преодна Влада која ќе ги имплементира реформските приоритети од Извештајот на Прибе.
Се до исполнување на овие барања протестите нема да стивнат.