Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Гардијан: Валкани трикови во трката за Генерален секретар на ОН

1
By Нова ТВ on September 26, 2016 СВЕТ
СПОДЕЛИ
Facebook Twitter LinkedIn Email
Published: Monday, September 26, 2016 16:05

Пробиени имејл адреси, лажни твитер профили, клевети и договори зад затворени врати. Вака тече досегашната трка за избор на генерален секретар на ОН.

Британскиот весник Гардијан, воочи денешната петта рунда неформално гласање во Сoветот за безбедност, пишува дека генералниот секретар ќе биде „амбасадор на мирот и глас на сиромашните и обесправените“, но тој пат до оваа висока позиција е „поплочен со нагазни мини и замки“.

Гардијан наведува дека поради геополитичката борба, но и поради балканските политички интриги, трката за генерален секретар нема да биде одлучена во последен момент, поради што и кандидатите со просечни резултати во досегашното гласање остануваат во трката макар до следниот месец кога ќе се знае како ќе гласаат постојаните членки на Советот за безбедност.

Иако поранешниот португалски премиер Антонио Гутереш беше прв во досегашните четири круга од гласањето, од кои последното беше на 9 септември, кога доби 12 гласови ЗА и два негативни, сепак би можел да биде блокиран од некоја од постојаните членки, најверојатно од Русија, наведува Гардијан.

guteres1

Весникот пишува дека Москва тврди дека новиот шеф на ОН треба да го даде Источна Европа, и затоа би можела да се спротивстави, на чело на светската организација, да дојде лидер од земја членка на НАТО од Западна Европа.

Минатата недела од твитер профил со име на Гутереш е наведено дека ја обезбедил поддршката од Москва, што поттикна шпекулации дека трката е завршена, но се покажа дека се работи за лажен профил.

На второто место според гласањето е словачкиот министер за надворешни работи Мирослав Лајчак кој ненадејно изби на второто место откако словачкиот премиер Роберт Фицо ја посети Москва пред третиот круг од гласањето и притоа ги истакна критиките кон санкциите на ЕУ спрема Русија поради Крим.

Меѓутоа, поради тоа Лајчак би можел да добие вето од некои западни земји, пишува Гардијан.

Третопласиран е поранешниот министер за надворешни на Србија Вук Јеремиќ, кој скоро е извесно дека ќе добие вето од САД, објавува Гардијан, повикувајќи се на изјава на дипломат, додавајќи дека Вашингтон не го заборавив неговото противење на независноста на Косово, како и перцепцијата дека го искористил мандатот на чело на Генералното собрание на УН како платформа за националистичка реторика.

– На крајот, натпреварот и договарањето меѓу светските сили ќе го одлучи победникот. Подемот и падовите на неформалното гласање се видливи знаци дека се случува нешто зад затворени врати, но тоа не се изнесува во јавноста, пишува Гардијан, додавајќи дека оваа недела ривалството ќе се одлучува во бугарската престолнина.

По разочарувачките резултати на бугарската кандидатка, шефицата на УНЕСКО Ирина Бокова во досегашното гласање, зад сцената е покренат процес да биде заменета со бившата комесарка на ЕУ Кристалина Георгиева.

Бокова се жали на нечесна кампања со клевети по низата текстови во медиумите во кои таа е нападната. Залагањето на европските конзервативци на десниот центар во Европа за Георгиева,  кулминира со обидот на гермaнската канцеларка Ангела Меркел да го убеди рускиот претседател Владимир Путин да ја поддржи.

bokova

Обидот на германската канцеларка меѓутоа наиде на остра реакција од Москва, но и Франција која и забележа на Меркел дека се меша во нешто што Париз го смета за надлежност на Советот за безбедност на ОН, пишува Гардијан.

И Георгиева беше жртва на валкани трикови- на 9 септември беше пробиен меилот на член на нејзиниот персонал и објавено е писмо со упатства до нејзините соработници да се напаѓа Бокова.

Исходот од дуелот Бокова- Георгиева ќе го одлучи бугарскиот премиер Бојко Борисов за кого пред две недели се мислеше дека ќе ја поддржи еврокомесарката, но се предомисли и рече дека ќе почека да види како ќе помине Бокова во петтиот круг од гласањето.

Од тогаш, руските претставници работат на собирање гласови за Бокова за да ја држат Георгиева надвор од трката, наведува Гардијан.

Потенцијалното вето од некои од петте постојани членки на Советот за безбедност во битката за генерален секретар на УН се монета за поткусурување на масата на која се преговара за ривалството околу Сирија, Украина и другите судири.

– Затруената атмосфера во Советот би можела да доведе до долга битка во која најквалификуваните кадри ќе бидат жртви, што ќе им отвори пат на просечните, пишува Гардијан.

Сепак, се наведува дека петте постојани членки би можеле да ги надминат разликите за да ги заштитат своите привилегии, бидејќи со отстуство на договор меѓу нив, би се препуштило на Генералното собрание на ОН да одлучи за новиот шеф.

Постојаните членки, пишува весникот, се вознемирени од транспарентноста што ја следи трката за наследник на Бан, бидејќи сметаат дека Генералното собрание доволно „се забавувало“ и дека сега треба да се затворат и да одлучат.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.