„Бугарија не отстапува во однос на ставот за официјалниот јазик на Република Северна Македонија. Ја почитуваме целосно одлуката на Народното собрание, според која Бугарија не го признава овој јазик. Во однос на останатите 26 земји-членки, сепак, тие имаат свои позиции и ние никако не можеме да ги обврземе да го прифатат нашиот став. Но, бугарската позиција е загарантирана во целата преговарачка рамка“, одговори Генчовска.
Бугарија е државата која најсилно ја поддржува европската интеграција на Република Северна Македонија и Албанија. Им посакуваме успех на патот по кој долго време сакаа да тргнат. Се надевам дека со заеднички напори и со нашата поддршка ќе стигнат онаму каде што граѓаните на Северна Македонија најмногу сакаат да стигнат, а тоа е членството во ЕУ, изјави бугарската министерка за надворешни работи Теодора Генчовска по потпишувањето на билатералниот протокол во Софија.
Во врска со тоа дали Бугарија прави отстапки за јазикот, со оглед дека сето законодавство на ЕУ ќе биде преведено на македонски јазик, Генчовска со одговор:
„Бугарија не отстапува во однос на ставот за официјалниот јазик на Република Северна Македонија. Ја почитуваме целосно одлуката на Народното собрание, според која Бугарија не го признава овој јазик. Во однос на преостанатите 26 земји-членки, сепак, тие имаат свои позиции и ние никако не можеме да ги обврземе да го прифатат нашиот став. Но, бугарската позиција е загарантирана во целата преговарачка рамка“,
Таа додаде „Важно е дека отсега ниту еден документ во процесот на приклучување на Северна Македонија кон ЕУ не може да се сфати како признавање на македонскиот јазик од страна на Бугарија,а тоа ќе биде јасно со едностраната декларација што ќе ја достави земјата до Брисел.
– И тоа е јасно опишано во едностраната декларација што Бугарија ќе ја претстави во понеделник за време на Комитетот на постојани претставници, рече министерката за надворешни работи и додаде дека оваа декларација ќе биде претставена и во следните чекори на европско ниво и ќе биде поздравена од Советот на ЕУ.
Министерката Генчовска рече дека при одредувањето датум за првата меѓувладина конференција од страна на Чешкото претседателство со ЕУ, Република Северна Македонија ќе има политичка меѓувладина конференција, а потоа властите во Северна Македонија треба да ја започнат процедурата, да се смени Уставот со цел во него да се вклучат и локалните Бугари.
Како што информираше, дури потоа ќе има втора меѓувладина конференција на која всушност ќе започне преговарачкиот процес, но тоа ќе зависи од властите во Северна Македонија
– Може да трае три месеци, како што беше случај кога името на Република Северна Македонија се промени, но може и да продолжи и две години, рече Генчовска.
Бугарската министерка за надворешни работи изјави дека вистинските преговори за Албанија може да започнат веднаш по првата меѓувладина конференција.
На оваа тема Генчовска говорела на брифинг со бугарските новинари, по потпишувањето на билатералниот протокол со министерот Османи, на вториот состанок на Заедничката меѓувладина комисија со Бугарија, согласно членот 12 од Договорот за добрососедство.
Министерот за надворешни работи Бујар Османи, како што објавивме, изрази надеж дека од денеска се отвора ново поглајве во односите меѓу двете држави.
Двајцата министри оценија дека е постигнат напредок во работата на петте секториски групи и она што треба да се направи е тоа да се преточи во пракса.
Експертите од Министерството за надворешни работи на Бугарија продолжуваат да работат со експертските групи од Министерството за надворешни работи на Република Северна Македонија.
Пред потпишувањето на Протоколот беше одржан вториот состанок на заедничката меѓувладина комисија со која копретседаваа министрите Османи и Генчовска.
Потпишувањето на протоколот и одржувањето на состанокот на меѓувладината комисија следуваат откако вчера предлог-преговарачката рамка на француското претседателство со ЕУ беше одобрна од страна на Владата, по усвојувањето на заклучоците во македонското Собрание по Информацијата по овој документ.