Износот кој го бараме не е голем, туку солидарен, за да се издржат ценовните шокови предизвикани поради инфлацијата, додаде Димовски.

Претседателството на ССМ денеска донесе одлука за повикување на генерален штрајк на вработените во јавниот сектор, доколку до 21 јуни Владата не ги исполнат нивните барања.

– Потпишување на колективен договор со кој ќе се утврди линереарно  зголемување на платите од 2.806 денари за сите работници во јавниот сектор и враќање на изгубеното право на регрес за годишен одмор од 2023 година во износ од 30 до 100 отсто од просечната плата во државата. Доколку ова не се случи до 21. јуни, на 22. јуни Сојузот на синдикатите на Македонија ќе ги повика сите работници, како членови и сите останати незадоволни работници, да ги прекинат нивните работни процеси и на своите работни места и да изразат големо незадоволство или, како што велиме ние, да направиме генералешн штрајк, рече Дарко Димовски, претседател на ССМ.

Тој рече дека е оптимист, а додаде со порастот на минималната плата треба да се усогласат сите останати плати, согласно Законот за минимални плати.

– Ние сме оптимисти и очекуваме нашиот социјален партнер, Владата, сериозно да ја сфати работата, бидејќи ССМ уште од 1. мај ова го бараше, на што беше реагирано дека исполнување на барањето може да се случи само со ребаланс на Буџетот и со утврдување на паричните средства во законот за извршување на Буџет. Износот кој го бараме не е голем, туку солидарен за да се издржат ценовните шокови предизвикани поради инфлацијата, додаде Димовски.

(Љ.Б)