Словенците денеска излегоа на улица. Штрајкот на јавниот сектор го подржуваат над 100.000 вработени, кои демонстрираат против владината одлука за намалување на платите за 5 проценти.
Според најавите во Словенија нема да работат ниту градинките и училиштата, а здравствените установи ќе примаат само итни случаи. Поради штрајкот во кој ќе учествуваат полицајци и цариници, се очекува голем застој на граничните премини во земјата.
Штрајкот е врв на политичката криза во Словенија. Поради големото народно незадоволство на коалициската влада и се заканува распад, иако премиерот Јанез Јанша упорно одбива да поднесе оставка од функцијата.
Незадоволство и во Црна Гора. Црногорската Унија на слободни синдикати најави за во понеделник голем протест пред Парламентот поради намерите на Владата да воведе кризен данок од дополнителни три проценти од примањата на вработените, но и можност за одложување на почетокот на второто полугодие во училиштата.
Oд црногорската Влада одговараат дека тоа е неопходно како би се смалил буџетскиот дефицит во државните каси и се заштитат најзагрозените.