Неколку лица биле повредени во Германија, кога маж вооружен со секира и нож ги нападнал патниците во еден воз, јавија германските медиуми. Полицијата го застрелала напаѓачот.

Тројца од повредените се наоѓаат во критична состојба, а агенцијата Ројтерс јавува дека едно лице минало со полесни повреди, додека 14 кои биле во шок, исто така биле хоспитализирани.

Веднаш по нападот, напаѓачот започнал да бега, во полициската акција биле вклучени и хеликоптери. Полицијата потврди дека напаѓачот бил убиен.

Медиумите пренесуваат дека напаѓачот бил 17-годишен Авганистанец.

Нападот се случил во Хајдингсфелд, недалеку од градот Вирцбург во јужниот дел на Германија.

Портпаролот на германската полиција не ја исклучи можноста дека станува збор за исламистички напад.