Легендарниот германски фудбалер Уве Зелер почина во 85-та година од животот, пренесуваат германските медиуми.

Зелер играше за Хамбургер од 1946 до 1972 година и постигна 404 гола во 472 натпревара. Во 1977 година се пензионира, за наредната да се врати на фудбалските терени и да одигра само еден меч за ирски Корк за кој беше двоен стрелец.

Со екипата на Хамбургер одвои по една титула во Бундеслигата и во германскиот Куп.

Дресот на репрезентацијата на Германија го носеше од 1954 до 1970 година, период во кој одигра 72 меча и постигна 43 гола.

Со националниот тим го освои второто место на Светското првенство во 1966 година, а четири години подоцна на мундијалот го освои третото место.

Три пати беше прогласуван за германски фудбалер на годината. Медиумите во земјата тврдат дека Зелер беше еден од најдобрите германски фудбалери на сите времиња.