Реал Мадрид во наредните два месеца ќе биде без Винисијус Жуниор. Младиот напаѓач на Реал Мадрид ги скина лигаментите на зглобот во реванш мечот во Лигата на шампиони против Ајакс што го одложуваат и неговото деби за репрезентацијата на Бразил.
По денешните медицински прегледи, „кралскиот“ клуб соопшти дека настрадале тибиофибуларните лигаменти кај Бразилецот што наложуваат интензивна терапија и мирување до почетокот на мај.
Еден од позабележителните играчи на европскиот шампион во последно време ќе мора да ги пропушти и мечевите на „кариоките“ во пријателските натпревари против Панама и против Чешка на 23 март, односно, на 26 март.
Евентуален кам-бек на Винисијус ќе биде во двата завршни меча на Реал Мадрид во Примера против Реал Сосиедад и против Бетис. Против Ајакс беше во стартниот тим на Сантијаго Солари, но беше принуден предвреме да завршиу со настапот и да му отстапи место на Марко Асенсио.