Ликовниот уметник Ѓорѓе Јовановиќ за сликата „Каде плови овој брод?“ ја доби наградата за најуспешен автор и дело на десеттото Биенале на млади уметници, кое беше отворено во Музејот на современата уметност. Наградата е самостојна изложба во МСУ, идната година.
Одлуката ја донесе жирито составено од Благоја Варошанец, претседател, Ива Петрова и Мира Гаќина, сите кустоси во Музејот.
Биеналето се организира на тема „Солидарност, 50 години од катастрофалниот земјотрес во Скопје“, а беше отворено на Денот на Европа – 9 Мај.
Делото на Јовановиќ комисијата го оценила како најубедливо остварување, покрај останатите дела со високи вредности.
Награденото дело „Каде плови овој брод?“ е ѕидна слика, мурал со димензии 2×4 метри.
Јовановиќ е роден во Скопје, дипломирал на Факултетот за ликовни уметности во Скопје, на отсекот сликарство во 2003 година. Самостојно излагал во Скопје, Белград, Њујорк и во Грац. Учествувал на голем број групни изложби во земјава и во странство