Бошко Нацевски: Која будала, без разлика со колкава звучна научна или политичка титула може да каже дека Делчев и Сандански не биле Македонци, туку Бугари.
Во интервјуто со големиот Бранислав Нушиќ, што тој го објави во белградска “Полтика”, откако со војвдата се сретнал во Солун, Јане царот Пирински и револуционерот семакедонски, отворено вели: “Бугарија нема што да се меша во македонските работи”. На кој неразумник му требаат повеќе аргументи. А лакрдиите, дека
учеле во Бугарија, зборувале бугарски и пишувале бугарски спаѓаат не во категоријата на историските аргументи, туку во илузионизмите со кои се хранат национацилистите. Па и денес, во таа “европска Бугарија”, Македонците не можат да бидат Македонци, учат на бугарски, зборуваат на бугарски јазик и во државниот тефтер сите, не по своја воља, туку по сила, бугарската антимакедонска и асимилаторска тортура, се запишани како Бугари.
Во книгата на Ванѓа Чашуле, насловена “Од признавање до негирање”, содржани се сите елементи на бугарските еквилибризми, како во политиката, така и во науката, кои се класичен пример на тотална несериозност. Во време на Владата на Георги Димитров, не само што Македонците беа признати како поебен етно супстрат, туку беше донесена одлука за воведување на Културна автономија на Пиринска Македонија, со проект за нејзино приклучување кон матичната државна територија, Република Македонија. Во тој временски интервал во пиринските училишта е воведен мајчиниот македонски јазик, а во Горна Џумаја отпочна со својата културно уметничка активност Македонски народен театар.
Со доаѓањето на режимот на комунистичкиот диктатор Тодор Живков, црвените беретки, предводени од државниот јавен обвинител на Македонците им беше забранувано дури и да го посетуваат гробот на Јане Сандански, чие вечно почивалиште е крај Роженскиот манастир, на Пирин. Ниту една историска или политичка комисија нема мандат од македонскиот народ да го преиспитува македонскиот национален идентитет на Сандански и Гоце, кој по своја лична желба избра вечното почивалиште да му биде во неговата Македонија, за која и го положи својот живот.
Нема пазарње за нашиот идентитет, јазик, историја, култура и фолклорно богатство. Македонецот е само тоа, и ништо друго.
Извор: Фејсбук