Голем одзив на крводарителската акција во просториите на Град Скопје

Голем број граѓани, меѓу кои и вработени во градската администрација, вчера ја покажаа својата хуманост и солидарност, и даруваа крв во крводарителската акција што се одржа во просториите на Град Скопје, информираа од Град Скопје.

Крвта е секојдневно потребна за да се спасат и да се продолжат многу животи, а во тоа помагаат хуманите граѓани – крводарители кои се вклучуваат во овие акции и несебично даруваат крв. Оваа акција се реализираше во соработка со Црвениот крст.