Гори станбен комплекс во Хонг Конг – станарите заробени во блоковите

Хонгконг: Пожар избувна денеска во станбен комплекс во северниот кварт Таи По во Хонг Конг, а облаци од густ чад се креваа додека службите за итни случаи се бореа да го стават пожарот под контрола.

Неколку луѓе се заробени во зградата, објави јавниот радиодифузен сервис РТХК, повикувајќи се на полицијата, додека еден маж претрпел сериозни изгореници, се наведува во соопштението.

„Ванг Фук Корт“ е станбен комплекс кој се состои од осум блока, со речиси 2.000 станбени единици.

Неколку згради околу запалениот облакодер имаат бамбусови скелиња на нивната надворешна страна.