Застрашувачки се сликите од огнената стихија која ја зафати нискостеблестата шума во градот Пехчево, вели првиот човек на градот, Драган Тренчовски.
Во изјавата за Нова ТВ вели дека теренот каде што во моментов беснее пожарот е непристапен, потенцирајќи дека чекаат поддршка за воздушно гасење.
– Во гаснењето на големиот пожар се вклучени Противпожарната екипа на Берово, Дирекцијата за заштита и спасување како и Македонски шуми. Единствено во моментов може да ни помогне воздушното гасење, истакна Тренчевски.
Најважно од се, ккао што потенцираше, е дека засега пожарот не зафати куќи, а нема ни човечки жртви.
– Штетата е огромна бидејќи е зафатен голем дел на дрвна маса, поточно ниско стеблеста шума и бор, додава Тренчовски.
Локален жител на социјалните мрежи сподели фотографии на кои се гледа дека пожарот кој моментално беснее во Пехчево и побара помош од граѓаните и надлежните.
“Моментално се случува ова во близина на Пехчево. Не можеме сами, ни треба помош”, апелираат локалните жители од Пехчево.