Во четвртокот, министерот за внатрешни работи Оливер Спасовски, најави дека се врши миграција на податоци на новиот надграден систем, по што од понеделник ќе започне издавањето на лични документи со новото уставно име.
Граѓаните од ова утро чекаат во редици пред просториите на Министерството за внатрешни работи за да извадат лични документи во закажаните термини.
Од МВР велат дека денешната гужва била во одреден период, бидејќи освен оние кои имале редовни термини се појавиле и оние со термини од минатата недела кога системот не работеше поради надградба. Воедно уверуваат дека пасоши има за сите оние кои сакаат да извадат, додавајќи граѓаните да не наседнуваат на лагите и провокациите од страна на опозицијата.
Од опозициската ВМРО-ДПМНЕ бараат одговорност за застојот во издавањето на пасоши, лични карти и регистарски таблички, а обвинуваат и дека се создава нов кластер во време на пандемија
По бројните поплаки од граѓаните дека во изминатиов период не можат да извадат пасоши и лични карти, од утринава пред просториите на МВР има метеж и турканици – редици луѓе чекаат за лични документи. Од опозициската ВМРО-ДПМНЕ бараат одговорност за застојот во издавањето на пасоши, лични карти и регистарски таблички, а обвинуваат и дека се создава нов кластер во време на пандемија.