Граѓаните преку социјални мрежи организираат хуманитарна акција за собирање на помош за граѓаните од поплавените подрачја. Собирниот пункт е пред скопски „Веро Центар“ во населбата Аеродром, каде почна да пристигнува првичната помош во вода и храна.
Активистите кои ја организираа оваа акција, апелираат граѓаните да излезат и да им помогнат на своите сограѓани кои останаа без своите најблиски, без покуќнина, а сега се соочуваат со хуманитарна криза и недостиг на вода за пиење. Првите неколку пакети веќе тргнаа кон најпогодените места во скопско.
Најголем дел од жртвите се од Стајковци, Сингелиќ, Смилковци и Арачиново, каде има и најмногу урнати и поплавени куќи, како и уништени возила.
Како што сооштуваат од МВР ноќеска и денеска од МВР се ангажирани Специјалните единици при МВР (ЕБР, ЕСЗ,ПЕП,Единицата за Јавен ред и мир) како и дополнителни служби и тоа : крим техника од Штип, Велес и Тетово, додека пак од останатите служби, ангажирани се Бригадата за против пожарна заштита, Јавното претпријатие Водовод, Дирекција за спасување и заштита, Итна медицинска помош и пајак служба.
