Најмалку 16 Палестинци се убиени по тенковски оган во училиште на Агенцијата на Обединетите Нации за бегалци во Газа, јавуваат светските медиуми. Училиштето се наоѓа во градот Џабалија.
Сведоци изјавиле дека ѕидовите на училиштето во кое илјадници нашле засолниште, се уништени. Според нив во училиштето се истрелани најмалку два проектили.
Џабалија е најгусто населен регион во Појасот Газа. Тој е подложен на артилериски оган од вторникот попладне. За последните 24 часа таму се убиени најмалку 50 лица, информира Министерството за здравство на палестинската енклава.
Израел ја обвини екстремистичката група „Хамас” за користење на училиштата за лансирање на проектили.
Најмалку 1.241 Палестинци и 55 Израелци се убиени откако Израел ја почна офанзивата на 8 јули. Повредени има над 7 000.
Повеќето убиени Палестинци се цивили.
Владите на Чиле, Бразил и Перу реагирааат преку своите амбасадори во Израел во знак на протест против актуелната агресија на Израел врз Појасот Газа.
Од истата причина владата на Аргентина одлучила да го одземе аргентинското државјанство на луѓето кои имаат и израелско, прецизираат од амбасадата.