Грковска-Ескобар: Северна Македонија е на пат да ги оствари своите цели и е пример во регионот

Вицепремиерката за политики за добро владеење, Славица Грковска, во  Вашингтон, каде се наоѓа на молитвен појадок во Белата Куќа, имаше средба и со Габриел Ескобар, специјален претставник за Западен Балкан, на која се разговараше за важната улога на Македонија во регионот и партнерството и сојузништвото меѓу двете земји.

Грковска на средбата нагласи дека стратешкото партнерство со САД за Северна Македонија е од суштинско значење и изрази благодарност за поддршката во справувањето со корупцијата, како еден од најзначајните приоритети во градењето на демократски и економски силно општество.

Ескобар истакна дека покрај чекорите кои нашата Влада ги презема со цел остварување на стратешките цели на државата, како членка на НАТО е вклучена и во поддршка на Украина како со донации така и со згрижување на бегалците кои се жртви на руската агресија.

Вицепремиерката го информираше Ескобар за активностите кои се отпочнати од најзините надлежности за добро владеење, и оние што претстојат, во борбата против корупција, доброто владеење и дигитализацијата.