Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Грција: Почнуваат парламентарните процедури за ратификација на Договорот

0
By Нова ТВ on January 21, 2019 ВЕСТИ
СПОДЕЛИ
Facebook Twitter LinkedIn Email
Published: Monday, January 21, 2019 09:01

Комисијата за национална одбрана и надворешни работи во грчкиот Парламент, попладнево ќе го разгледа нацрт законот за ратификација и стапување во сила на Договорот од Преспа, јави МИА од Атина.

Претседателот на парламентот, Никос Вуцис, претходно ќе одржи состанок со потпретседателите за да се одреди парламентарната процедура, односно колку состаноци ќе одржи комисијата и кога ќе биде закажана пленарната седница.

Нацрт законот во саботата беше доставен до грчкиот Парламент, а се очекува да се изгласа до петок.

Нацрт законот од Министерството за надворешни работи на Грција, што е под наслов „Ратификација на конечниот договор за решавање на разликите кои што се објаснети во одлуките на Советот за безбедност на Обединетите нации 817 (1993) и 845 (1993), прекинување на Времената спогодба од 1995 година и воспоставување на стратешко партнерство меѓу страните“, содржи три члена.

Првиот член е потпишаниот договор во целост, вториот член се однесува на покревање на нивото на Канцеларијата за врски во Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат. Третиот член објаснува дека законот стапува на сила по објавувањето во Службен весник, а договорот по ратификацијата согласно членот 20.

Нацрт законот, со датум од 18 јануари 2019 година, е потпишан од грчкиот премиер Алексис Ципрас и министрите од неговата влада.

Специјалниот пратеник на ОН во разговорите меѓу Скопје и Атина за прашањето за името, Метју Нимиц, ја повика Грција да го ратификува Договорот од Преспа, откако македонската страна ги исполни своите обврски.

Нимиц во пишаната изјава, што ја објави прес-службата на ОН, наведува дека владата во Скопје на 16 јануари формално ја известила владата во Атина и него како специјален пратеник дека е завршена постапката за промена на Уставот согласно со Договорот од Преспа, со што го исполни својот дел од обврските.

– По известувањето на поранешната југословенска Република Македонија дека се завршени постапките за усвојување на уставните амандмани и домашните правни процедури за стапување во сила на Договорот, од Преспа, според неговите одредби, ратификацијата последователно продолжува во Република Грција. Со нетрпение го очекувам завршувањето на процесот како што е наведено во Договорот, пишува Нимиц.

Додава дека ОН и тој како посредник и понатаму се посветени на процесот и на соработката со двете страни за конечно решавање на разликите меѓу нив.

Ратификацијата може да помине и со помалку од 151 глас

Прегрупирања во парламентот

Претседателот на Демократска левица, Танасис Теохаропулос, е избришан од пратеничката група на Движење на промена во кое коалицира заедно со ПАСОК поради неговиот став да гласа за ратификација на Договорот од Преспа.

-Ставот на господинот Теохаропулос да гласа за Договорот од Преспа, објективно му служи на господинот Ципрас и неговите планови и овој став не може да биде прифатен, соопштуваат од Движење на промена за одлуката на лидерката Фофи Генимата да го избрише Теохаропулос.

Од Демократска левица коментираат дека нивната позиција им служи само на националните интереси.

Одлуката за поддршка на Договорот од Преспа, Демократска левица ја донесе на вчерашниот состанок на Централниот комитет на партијата.

Говорејќи за радиото „Тема 104.6“, претседателот на партијата, Танасис Теохаропулос ги потврди натписите во грчките медиуми дека му било предложено носител на пратеничката листа на Движење на промена на ниво на цела Грција на следните избори, доколку не гласа за Договорот од Преспа.

Се распаѓа пратеничката група на Река

Пратеникот Јоргос Амирас го најави заминувањето од пратеничката група на Река поради несогласувањето со партиската линија во однос на Договорот од Преса и веќе е независен пратеник, јави МИА од Атина.

-Не можев да постапам поинаку кога во следните денови ќе требаше како претставник на пратеничката група на партијата јавно да говорам во името на партијата во која водечките членови имаат спротивна позиција од мојата лична позиција за едно важно национално прашање, вели Амирас во писмената изјава.

Со неговото заминување и по бришењето на Спирос Данелис од Река, пратеничката група на партијата останува со четири пратеници.

Според Деловникот на грчкиот Парламент, пратеничка група формира партијата која што по изборите има најмалку пет пратеници.

 

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.