Премиерот Груевски го дочека Велигден во Кичево, по што беше на утринска литургија во Охрид, а од Струга испрати Велигденска порака.
На прв ден Велигден Премиерот Никола Груевски од храмот „Св.Ѓорѓија“ во Струга утрово им ги честиташе велигденските празници на верниците.
– Посакувам многу среќа, здравје и успех на сите граѓани на Република Македонија, како од христијанска вероисповед, така и на сите останати, и Господ да ни даде повеќе сила и мудрост да можеме да продолжиме со успеси и со решавање на сите предизвици, и секако да ги оствариме сите индивидуални цели, сите лични цели.
– Секое семејство, секоја индивидуа има сопствени желби, сопствени цели, посакувам да им се исполнат и истовремено да има многу повеќе почит меѓу луѓето”, истакна Груевски.
Премиерот Груевски денеска присуствуваше на утринска литургија во црквата „Св. Богородица“ Каменско, Охрид.
Тој го дочека Восхресението Христово – Велигден во Кичево, каде присуствуваше на Светата литургија во православниот храм „Св. Петар и Павле“.
Во петокот заедно со семејството запали свеќа во црквата „Свети Димитрија” во центарот Скопје.
Посетата на Груевски по повод најголемиот христијански празник Велигден на Кичево има симболично значење, откако на годинешните локални избори првпат оваа општина во југозападниот дел од земјата доби градоначалник Албанец.
Груевски со хеликоптер заминал од Кичево
При последната негова посета на Кичево на 26 март премиерот беше пречекан од неколку стотици граѓани пред штабот на ВМРО – ДПМНЕ кои бараа објаснување од него – како ДУИ победи во Кичево.