„На 30 септември ќе имате можност да направите историски избор. Дали сакате да го отворите патот за членство на вашата земја во НАТО и во ЕУ со поддршка на договорот со Грција? Ние, Групата „Охрид“, ве повикуваме да кажете „Да”.
Ова се нагласува во обраќањето на Групата „Охрид“ до граѓаните на Македонија, во пресрет на есенскиот референдум за Договорот со Грција со кој се отвора патот на земјата кон НАТО и ЕУ по долгогодишниот застој поради спорот за името меѓу Скопје и Атина.
Групата „Охрид“ е неформална група што ја сочинуваат актуелни и поранешни и политичари и високи меѓународни претставници, што беше формирана во април годинава за поддршка на Република Македонија на нејзиниот пат кон членство во НАТО и ЕУ.
Во групата членуваат лорд Џорџ Робертсон, поранешен генерален секретар на НАТО, како нејзин претседател, Карл Билт, поранешен специјален претставник на ЕУ и ОН за Балканот, Хавиер Солана, поранешен генерален секретар на НАТО, Росен Плевнелиев, поранешен претседател на Бугарија, Ален Ле Роа, поранешен специјален претставник на ЕУ во Скопје, амбасадорот Волфганг Ишингер, претседател на Минхенската конференција за безбедност, амбасадорот Роберт Гелбард, поранешен специјален пратеник на САД за Балканот, Дејмон Вилсон, потпретседател на Атланстксиот совет и политичкиот аналитичар Зоран Чичак.
МИА го пренесува објави целосниот текст на обраќањето:
„Ние сме група од искусни меѓународни државници, дипломати, армиски функционери и експерти, кои се длабоко ангажирани во помагање на вашата држава во последните дваесет години. Многу од нас се со вас од раните години на овој век, вклучувајќи ги и преговорите за Охридскиот договор. Бевме исто така дел од следните операции на НАТО.
Горди сме што можеме да помогнеме во надминувањето на тешките времиња. Сите ние оставивме дел од нас во вашата прекрасна земја, и затоа сакаме да ве видиме како одите напред, кон едно подобра иднина што вие заслужувате.
Во средината на јуни оваа година, владите на Зоран Заев и Алексис Ципрас постигнаа историски договор за името на Македонија и со тоа заврши спорот кој трае предолго. ЕУ и НАТО го признаа успехот и ве поканија да се придружите, ако го поддржите договорот со Грција. Вашиот парламент гласаше за референдум на 30 септември, кога ќе можете да ја покажете оваа поддршка. Размислете, овој момент е „сега или никогаш” за вашата земја, за вас и за иднината на вашите деца.
Вашата влада и Грција не преговараа како актуелни ривали, туку како утрешни пријатели. Многу од нас се сеќаваат на лошите денови за Западен Балкан од 90-тите години, кога преовладуваа етничките судири, насилството и недовербата. Економскиот и социјалниот напредок беше прекинат. Тие денови мора да останат во минатото. Членството во НАТО нуди сигурносна гаранција. Членството во ЕУ ќе донесе економски раст, инвестиции, работни места и пристап до европски програми кои ќе го подобрат вашиот живот. Со членството во двете организации, вие ќе бидете дел од западноевропското семејство на нациите, кои се насочени кон иднината, и тоа е она што навистина е важно за луѓето, а не старите битки и ривалства, кои припаѓаат на историјата.
Вашата и грчката Влада преговараа како вистински демократски влади кои имаат длабока почит кон човековите права, владеењето на правото, слободата на медиумите и останатите основни европски вредности. Тоа е причината зошто тие можат да си веруваат едни на други и да постигнат договор кој во минатото беше многу тешко да се постигне. Ова се вредностите што треба да ги поддржувате кога ќе се изјаснувате на 30 септември. Вредности кои се основа на ЕУ и НАТО. Гласот „За” не ги решава сите проблеми, ниту членството во ЕУ, но тоа отворање на патот, Ви дава јасна цел и легитимно уверување дека ќе биде исполнета.
Вашата земја можеби е мала, но има горда историја. Сте имале различни битки. Сепак, вашите идни напори треба да бидат насочени кон обезбедување подобар живот во наредните години. Вашите идни напори треба да бидат фокусирани на обезбедување подобар живот во наредните години. Заслужувате повторно да се качите на една многу поголема сцена, за да можат вашите сограѓани да станат сведоци на тоа како нивните таленти им обезбедуваат просперитет и можности како дел од европската заедница. Ова е моментот „Сега или никогаш”.
Гласањето „За“ ќе биде глас за иднината: твојата иднина. Ова е ваш избор, ве повикуваме да го стори тоа, се навадува во обраќањето на Групата „Охрид“.