Еврокомесарот Јоханес Хан попладнево изрази сочуство за граѓаните на Скопје по синоќешното невреме во кое животот го загубија 21 лице.
– Сочувство до фамилиите на жртвите на поплавите во Скопје и Тетово. Европската унија е подготвена да помогне, напиша Хан на Твитер.
My condolences to the families of victims of #floods in #Skopje, #Tetovo.
The EU stands ready to help.— Johannes Hahn (@JHahnEU) August 7, 2016
Сочувство до семејствата на загинатите на Tвитер изразија и комесарот за хуманитарна помош Христос Стилијанидес и досегашниот евроамбасадор Аиво Орав.
Комесар за хуманитарна помош Христос Стилијанидес
“Од блиску ја следам ситуацијата во Скопје и Тетово. Моите мисли се со жртвите. ЕУ е подготвена на помогне”, напиша на Твитер Стилијанидес.
-Најдлабоко сочуство до семејствата кои ги изгубија своите сакани за време на поплавите, е пораката на Орав кој воедно посакува брзо опоравување на повредените.
Our deepest sympathies with families who have lost their loved ones during the floods. Speedy recovery for the injured ones.
— EU Ambassador David Geer (@AmbassadorEU) August 7, 2016
Во Брисел во Европската комисија велат дека македонските власти треба да побараат помош за да може Европската комисија ја испрати хуманитарна помош.
Во невремето кое вчера го зафати Скопје животот го загубија 21 лице, од кои само едно се уште се води како неидентификувано. Телата на загинатите им се предадени на семејствата.
Починатите лица се пронајдени на подрачјето на Гази Баба односно: Сингелиќ, Стајковци, обиколница Смилковци и с.Црешево.
Од МВР информираат дека бројот на повредени граѓани е околу 70, а дел од нив се хоспитализитани по скопските болници.
Невремето без човечки жртви предизвика штета и во тетовскиот крај. Таму повторно со проблеми се соочија жителите на селата кои беа најпогодени и минатата година.