Унгарската влада направи уште еден чекор кон заплашување на граѓанското општество се вели во извештајот на Хјуман Рајтс. Во понеделникот, во утринските часови, десетина полицајци упаднаа во канцелариите на две невладини организации во Будимпешта.
Двете групи, Окотарс и Демнет се дел од невладиниот конзорциум кој раководи странски донаторски пари за граѓанските организации во Унгарија.
Според текст објавен на социјалните медиуми од раководителот на организацијата Демнет, неговите вработени биле спречени од полицијата да ги користат своите телефони додека полицијата била во просториите, а нивните лаптопи и сервери биле конфискувани од полицијата.
Полициските извори објавиле дека причина за рацијата била „проневера и неовластена финансиска активност“ извршени од „непознат сторител“.
Демонстрантите после ова се обрале пред канцелариите на Окотар во Будимпешта.
Ова е само последниот напад на унгарската влада врз граѓанското општество. Во мај владата нареди ненајавена финансиска инспекција на организациите врз кои беа спроведени рациите.
Во тоа време, Унгарија ја обвини Норвешка дека се меша во нејзината внатрешна политика преку финансирање на унгарските невладини организации.
Поврзано со рацијата од мај, Окотарс беше обвинета за тоа дека е „тесно поврзана“ со опозициската партија.
НВО и организациите кои користат грантови, меѓу кои се вбројуваат и истакнати организации за човекови права и борба против корупција, беа под истрага од унгарската влада за наводна организирана измама.
Ова само е уште еден доказ за авторитарноста на Унгарија се вели во извештајот на Хјуман Рајтс, особено откако владата доби нов мандат во април.
Во јули, премиерот Виктор Орбан отиде толку далеку што се изјасни дека сака да стави крај на либералната демократија во Унгарија.
За овие потези се пишуваше во колумни на Њујорк Тајмс и Вашингтон пост, но Европа останува без коментар.
Советот на Европската комисија за човекови права испрати писмо на 9-ти јули упатено кон унгарската влада осудувајќи ја владината стигматизирачка реторика и нејзините преиспитувања за легитимитетот на НВО.
Европската унија не реагираше за притисоците кон невладините организации и одби да го коментира говорот на премиерот Орбан од јули.