Никола Тесла, пионер на наизменична струја, можеби ќе беше шокиран ако знаеше дека неговото наследство ќе предизвика расправија меѓу европските држави, пишува „Би-Би-Си“. Српската централна банка се закани дека ќе преземе акција против ЕУ, доколку нејзиниот сосед Хрватска го стави ликот на покојниот голем пронаоѓач на евро кованици.
Хрватска го сака неговото лице на своите евра кога ќе се приклучи на заедничката валутата на ЕУ во 2023 година. Но, Србија го смета за свој, бидејќи тој себеси се гледаше како Србин, иако роден во денешна Хрватска.
Двете земји се стари ривали со трагична историја.
Хрватската национална банка соопшти дека ќе го стави пронаоѓачот на своите идни монети од 50, 20 и 10 центи, по консултација со јавноста и ќе го достави својот план до ЕУ во октомври. Српската централна банка, пак, возврати дека „ставање на Тесла на хрватски монети ќе значи „узурпирање“ на српското наследство“.
Но, Хрватска не отстапува. Вицепремиерот Борис Милошевиќ, кој го сака Тесла, е етнички Србин и рече дека е „горд и среќен“ со планот.
Пепелта на Тесла беше погребана во Србија, а аеродромот во Белград го носи неговото име. Тој стоеше зад големите современи пронајдоци, вклучувајќи го далечинскиот управувач и флуоросцентното осветлување.
Некое време пронаоѓачот, кој почина во 1943 година, имаше само култен следбеник. Потоа, компанија специјализирана за електрични автомобили беше именувана по него, а подоцна Илон Маск стана нејзин извршен директор.
„Можеби е подобро да не спомнувам дека Тесла живееше поголем дел од својот живот во САД, додава дописникот на „Би-Би-Си“ за Балканот“, Гај Де Лони.