Сипаниците се вратија во Хрватска бидејќи многу родители одбиваат да ги вакцинираат своите деца. Хрватската јавност е исплашена, а лекарите велат дека поради теорија на заговор деца умираат од сипаници иако постојат квалитетни вакцини против овие заразни болести.
Хрватските медиуми пишуваат дека седум месечно бебе од местото Брназ кај Сињ било заразено од сипаници од друго дете од регионот на Макарска на кое болеста му дијагностицирана подоцна. Двете деца престојувале во иста болничка соба на детското одделение во болницата во Сплит. Во Макарска веќе има заболено две деца и две возрасни лица во Загреб.
Од хрватскиот завод за јавно здравство информираат дека пред две години имало епидемија од ова многу заразно вирусно заболување од кое заболеле шеесет луѓе. Сипаниците ја погодија Хрватска и во 2004 та година кога болеста се рашири по болниците каде штос е сметени болни кои долго престојуваат таму, како и во 2008 ма година кога од сипаници заболе 50 ромски деца. Најголем дел од заразените биле не биле вакцинирани. Сипаниците во 2014 та година биле пренесени од Босна и Херцеговина каде што вакцинирањето е на многу ниско ниво. Таа година во оваа држава биле регистрирани 3400 заболени.
Заболените биле не вакцинирани или пак не знаеле дали се вакцинирани.
Епидемиите на сипаници станаа вообичаена појава во земјите кои што имаат низок обем на имунизација и како тој процент се намалува, се зголемува процентот на заболени. Станува збор за болести кои со децении беа искоренети. Најновите случаи на заболени во Хрватска укажуваат дека на вратата тропа нова епидемија од сипаници.
“Можно е во следните денови да се појави епидемија на сипаници, а тоа зависи колку од невакцинираните деца биле во контакт со заболените“, вели Бернард Каиќ епидемиолог.
Лекарите ги повикуваат родителите да ги вакцинираат своите деца и предупредуваат дека може да се прошири кругот на заболени, а особено во опасност се тие што не смеат да се вакцинираат поради нарушен имунитет или заболените од леукемија.
Во Хрватска се зголемува бројот на родители кои се поборници на теоријата на заговор уверени дека вакцините предизвикуваат аутизам, така што тоа прерасна во движење насочено против имунизацијата. Голем дел од лекарите одбиваат да ги примаат децата кои не се вакцинирани, односно ги препраќаат кај други лекари кои би ги прифатиле.
Пред да бидат искоренети од сипаници заболуваа 90 проценти од децата и млади до 20 години. Последиците можат да бидат катастрофални и да завршат со воспаление на мозокот, дури и смрт.
Во свет секојдневно умираат по 400 деца на ден од сипаници, покажуваат извештаите на УНИЦЕФ, СЗО и Глобалниот сојуз за вакцинација.
Трендот на вакцинирање на децата веќе неколку години е присутен и во Македонија, а поборниците на оваа теорија сметаат дека вакцините се основната причина за појава на аутизам кој исто така е многу распространет во последните години.




