Центарот за одбрана од поплава на Хрватска во Карловац прогласи вонредни мерки за заштита од поплави.
Според последните информации водостојот на реката Купа кај Карловац изнесува 769 сантиметри. За еден час водостојот пораснал за 10 сантиметри, поради што се прогласени мерки за одбрана од поплави.
Неколку жупаниски центри се затворени поради поплави.
Затворени се и неколку државни патишта, а поплавен е и мостот на реката Корана.
Ноќеска најмногу пораснал водостојот на реките Мрежница и Корана, поради топење на снегот, што следи по дождот што врнеше во понеделникот, па тие допринеле за пораст на водостојот на реката Купа.
Редовни мерки за одбрана од поплави се прогласени во Хрватска Костајница.
Состојба на подготвеност има и во подолниот тек на реките Купа, Крапина и Сава.
Хрватска, речиси цела недела е зафатена од обилни врнежи од снег, што придонесоа со зголемување на температурите да се зголеми водостојот на реките.
Нови снежни врнежи се најавени од денеска.
Карловац, познат како град на пет реки е најзагрозен од моменталната состојба со врнежите.
Есента 2012 година, Хрватска беше зафатена од поплави, поради обилните врнежи од дожд во Австрија, Словенија, па и на територијата на Хрватска.