Хрватскиот сабор изгласа Закон за заштита на животните со кој се забранува убивање на напуштените животни.
За јавноста најинтересна е одредбата на новиот закон за забрана на убивање на напуштените животни и основање на најмалку едно “no kill“ засолниште на подрачјето на секоја единица на регионалната самоуправа, во кое ќе има најмалку 50 места за животни, а сите единици на локалната самоуправа се обврзани да учествуваат во финансирање на основањето на работата на засолништето, се вели во соопштението на хрватското Министерство за земјоделство.
Законот предвидува контрола на популацијата на „несакани“ кучиња, како и подобар надзор над одгледувањето на кучиња. Хрватските власти очекуваат дека на овој начин ќе се намали бројот на напуштени животни и дека мнозинството на постоечките засолништа ќе можат да ги прифатат сите напуштени животни и да ги задоволи пропишаните стандарди.
Целта на законот е да се вдоми секое напуштено животно и да се обезбеди соодветна ветеринарска нега.
Министерството смета дека Хрватска по 10 години конечно добива Закон за заштита на животните која ја сместува во врвот на европските земји во грижата за животните.
Во новиот закон, заради заштита на животните, пропишани се и дополнителни забрани во постапките со животните.
Меѓу останатото, забрнето е пукање во жуивотните без разлика на видот на оружјето или справите, освен за потребите на намамување или усмртување на животните, како и за заштита на безбедноста на луѓето и животните, како и фрлање петарди на животни или други пиротехнички средства.
Забрането е и држање и користење на дивите животни заради прикажување во јавноста, освен во зоолошките градини и држење во зароеништво на мечки, освен во зоолошките градини и засолништа.
Новиот закон предвидува и забрана за изложување на животни на кастрење на ушите и опашките, со исклучок на ловечките кучиња.