Саудискиот имам шеикот Абдула Дауд издал фатва со која им се наложува на сите женски деца, дури и бебињата, да носат бурки со што би се заштитиле од сексуално насилство.
Фатвата која ја издал Дауд за време на гостувањето во исламската телевизиска станица Ал мајд ја вознемирила јавноста и наишла на остри критики .
Поранешниот судија на Саудискиот одбор за поплаки, шеикот Мухамед ал Јазлана,ги повикува сите муслимани да ги игнорираат таквите фатви, притоа објаснувајќи дека постојат посебни прописи кои одредуваат кој има право да ги издава.
Тој вели дека оваа одлука е лоша за исламот и шеријатскиот закон и дека ги прикажува во негативно светло.
Шеикот ал Јазлана истакнува и дека го растажуваат глетките кога ќе види семејство што шета со покриени деца и оценил дека тоа е неправда кон најмладите, пренесуваат светските агенции.