Министерката за надворешни работи Теодора Генчовска потврди дека навистина има записи од средбите на Кирил Петков со европските дипломати на тема Северна Македонија. Генчовска за БТВ коментира дека белешките се класифицирани и се чуваат во министерството. На овие средби се разговарало како да се заобиколи бугарското вето за Република Северна Македонија.
БГНЕС потсетува дека Тошко Јорданов од Има Таков Народ, изјавил дека Кирил Петков бара начин да го заобиколи коалицискиот договор за РСМ. ПП сега истражува дали се дозволило да се одржуваат состаноци и да се прават разговори што не требало да се случат, па – не, не сме мирни. Јорданов рече дека биле водени наводни разговори со европски дипломати. „Ова се случи во последните три месеци, можеби во последните четири месеци.
Ставете се на местото на дипломатите кои едно слушаат во разговорите со министерката Теодора Генчовска, а друго слушаат во другите разговори со претставници на премиерот или дури и од него. Се правеше обид да се заобиколи коалицискиот договор и без практични гаранции за имплементација на договорот потпишан меѓу двете земји да се започне процесот на приклучување на Република Северна Македонија, јавува БГНЕС.