Летниот преоден рок донесе крај на уште една трансфер сага. Пепе е нов член на Бешикташ. Португалскиот репрезентативец пристигна во Истанбул, мина на задолжителните лекарски прегледи и парафира двегодишен договор со турскиот клуб кој наесен ќе игра во Лигата на шампиони.
За услугите на Пепе беше заинтересиран и ПСЖ, но Бешикташ ја доби битката со „светците“ со подобра финансиска понуда. Португалецот за трансферот ќе инкасира 12 милиони евра. На шампионот на Турција му се придружи како слободен играч и за самиот потпис доби четири милиони евра колку што ќе изнесува и неговата заработувачка по сезона. Во вкупната сума не влегуваат бонуси за освоени титули, одиграни мечеви и слично.
Пепе во кариерата настапуваше за Маритимо (2002-2004 година) и за Порто (2004-2007 година). Изминатата деценија ја мина во дресот на Реал Мадрид. За репрезентацијата на Португалија има 86 настапи и пет постигнати гола. Беше дел од националниот тим на Купот на конфедерации во Русија.