Кардиналите повторно со црн чад. На денешното заседание на Папската конкалва, од оџакот на Сикстинската капела повторно со сигнал дека кардиналите по втор пат не успеале да изберат нов папа.
Бидејќи на препладневните гласања не е избран наследник на папата Бенедикт Шеснаесетти, кој абдицираше на 28 февруари, 115-те кардиналите на Конклавата ќе гласаат уште двапати попладнево.
Доколку ни по денешните четири гласања Католичката црква не добие нов поглавар, утре ќе се одржат нови четири гласања по истиот распоред.
Вчера по првото гласање исто така излезе црн чад од запалените гласачки ливчиња.
Кога еден од кардиналите ќе добие двотретинско мнозинство или 77 гласови, што е услов за да стане нов понтиф, од оџакот ќе биде пуштен бел чад и ќе се огласат камбаните на базиликата „Свети Петар“.
Според портпаролот на Ватикан, Федерико Ломбарди, се очекува оваа Папска конклава да трае најмногу четири дена, додека њујоршкиот надбискуп Тимоти Долан смета дека новиот папа ќе биде избран веќе утре.