Копилотката на паднатиот непалски авион, Ању Кативада, го загубила и сопругот во авионската несреќа што се случи во 2006 година, јавува Би-Би-Си.

Таа беше копилот на авионот АТР-72 на Џети ерлајнс кој се урна во завчера во близина на градот Покара во Непал, неколку минути пред слетувањето.

Се верува дека сите 72 патници и членови на екипажот загинале во несреќата, откако 70 тела се извлечени, а спасувачите трагаат по уште две лица кои се уште се водат како исчезнати.

Нејзиниот сопруг Дипак Покрел, исто така, загинал како копилот на Jeti Airlines во 2006 година, а токму поради него таа одлучила да се занимава со авијација, јавува Би-Би-Си.

„Таа беше решителна жена која се бореше за своите соништа, како и за исполнување на соништата на нејзиниот сопруг“, изјавил еден од членовите на нејзиното семејство.

Дипак бил во пилотската кабина на мал авион кој летал за градот Џумла во западниот дел на Непал, кога се урна и изгорел во јуни 2006 година, при што загинале девет лица во него.

Сè уште не е познато што ја предизвикало неделната авионска несреќа во Непал, најлошата во последните 30 години, што предизвика дебата за безбедноста на воздухопловството во земјата, каде што стотици луѓе загинаа во изминатите децении.

Извор: Еуроњуз