Заменик министерот за образование Висар Ганиу ќе се кандидира за градоначалник на скопската општина Чаир.
Шефот на изборниот штаб на Демократската унија за интеграција Бујар Османи денеска најави дека Ганиу ќе поднесе оставка на функцијата.
Вицепремиерот Османи изјави дека за да ги заврши полесно партиските обврски за изборите планира да земе годишен одмор, но ќе ги извршува само неопходните ангажмани во Секретаријатот за европски прашања.
На новинарско прашање дали планираат и во другите оштини да кандидираат кадар како Ганиу, Османи рече дека овој принцип е етаблиран принцип на ДУИ.
– Уште во изборите од 2013 година, тогашните кандидати беа министри и дадоа оставка, овој е принцип кој го започнал ДУИ и го оддржува во конзистентност, денес го направивме овој чекор со најголемиот фаворит на овие избори, потенцира Османи.
На прашањето дали СДСМ ќа ја поддржи ДУИ во неколку општини, Османи рече дека се уште не се финализирани разговорите помеѓу коалициските партнери.
-Ќе видиме според околностите, меѓутоа, има позитивни сигнали дека ќе се оди со заеднички кандидати уште во првиот круг, рече Османи.
Поради кандидатурата за градоначалник на Гостивар, оставка од функцијата министер за здравство веќе најави и Арбен Таравари.