Викиликс денеска објави е-мејлови на разузнавачката агенција Стратфор, каде се информира причината за оставката на Санадер: организираниот криминал.
Неофицијалните информации велат дека изворот е евро-парламентарката Ана Ибрисагиќ, неговата колешка од ЕПП (европските народни партии, каде членува европската десница и каде всушност и самиот Санадер беше член со неговата ХДЗ). Таа е шведска политичарка, добро позиционирана во ЕП, во Комитетот за надворешна политика.
Изворот, според Викиликс е со кодно име SW501 и е многу добро поврзан шведски евро-парламентарец, кој пак има екстремно блиски релации со министерот за надворешни Карл Билт, кој е негов најблизок соработник и исто така има врски и со Балканот.
Во дописот се вели:
-Извор ни кажува дека Иво Санадер, хрватскиот премиер, поднесе оставка поради организираниот криминал (во дописот е означен како ОК).
Во суштина, тој имаше некои договор околу случувањата со пристаништето Плоче, дека е местото каде што Хрватска би требало да се изгради терминал. Тој во основа започна добра соработка со организираниот криминал и му рекоа дека тој има избор- или да се пензионира од политиката, или- тие ќе започнат со убивање на неговото семејство.
Тој ги следеше нивните наредби.
Изворот понатаму вели: Имајте на ум дека имам велено (и имам пишувано во анализи) дека Хрватска апсолутно е водена од страна на организираниот криминал. Земјата е полна до гребенот со организираниот криминал, се вели во дописот.