Терористичката организација Исламска држава (ИД) потврди во понеделникот вечер дека загинал нивниот “министер за информации” Ваил Адил Хасан Салман ал-Фајад.
Пентагон уште во средината на септември тврдеше дека овој терорист е убиен во едно бомбардирање на антитерористичката коалиција на 7 септември во Рака во Сирија.
Според портпаролот на Пентагон Питер Кук, Ваил Адил Хасан Салман ал-Фајад бил висок функционер на терористичкото движење и дека ја надгледувал продукцијата на видео материјалите во кои се прикажуваат тортури и убиства и кои потоа се постираат на социјалните мрежи.
Тој бил близок соработник на вториот човек на Исламската држава кој бил убиен на 30 август.
Исламската држава потврди дека Ваил Адил Хасан Салман ал-Фајад бил “емир” задолжен за медиумите но нивното соопштение не прецизира во кои услови и кога тој загинал.