Балканот е во срцето на европскиот континент, тие носат лузни кои не потсетуваат и на несигурноста на мирот и на нашата унија“, изјави францускиот претседател Емануел Макрон претставувајќи ги приоритетите на француското претседателство пред претениците во ЕП.
„Затоа сега сме повикани да знаеме како да ги преиспитаме нашите односи со земјите од Западен Балкан. Тоа според францускиот претседател не треба да биде „членство против, за да се одбијат странските обиди за дестабилизација на сегашно време, туку членство за пристапување на проектот (на ЕУ) во разумен рок“.
Во врска со оваа изјава на францускиот претседател НОВА побара коментар од европратеникот и известувач на ЕП за Македонија, Илхан Ќучук.
„Франција ќе вложи повеќе енергија на крајот на своето претседателство, и не случајно во месец јуни е планирана средба помеѓу Европската Унија и Западниот Балкан. Се разбира таа идеја е сè уште многу општа и нема конкретна манифестација, форма и содржина, но самиот факт дека претседателот Макрон ја извади од ракав темата за Западниот Балкан, нешто кое што не беше во неговиот дневен ред претходно, значи дека тој е посветен.
Посветеноста на Франција е важна за регионот, затоа што веќе имаме освен добрата позиција на Германија која традиционално го разбира регионот и силната поддршка на Франција, а со тоа дефинитивно ќе видиме посветеност на држави како Холандија и уште неколку . Јасно е дека Европа го насочува фокусот кон Западниот Балкан со што ќе се расветлат проблемите, но ние не сакаме да бидат решени овие прашања кои што и без тоа постојат, како борбата со организираниот криминал и корупцијата, владеење на правото, се важни теми, слобода на медиумите, теми кои се дел од демократкиот процес. Но важното е дека камерата на Европа, ќе го гледа и геополитичкиот недостиг на Европската Унија во регионот, но и можноста државите од Западниот Балкан да бидат дел од тоа цивилизациско пространство на Европската Унија” вели Ќучук во неговиот коментар за обраќањето на францускиот претседател пред ЕП.
Тој исто така нагласи дека во мометов во ЕУ се води дебатата за иднината на ЕУ во која една од темите е и тоа како ќе продолжат понатаму интеграциските процеси.
“Очигледно е дека ќе има Европа која е во центарот – Стара Европа и уште неколку држави, Европа која е повеќе кон периферијата, но ќе има уште и трет круг од држави,кои треба да се вклучат во европската идеја. И конференцијата за иднината на Европа точно тоа го дискутира во моментот, по кој пат да тргнат државите и се разбира како треба да бидат вклучени државите од Западниот Балкан, затоа што тоа е прашање на безбедност, прашање на вредности и не на последно место е прашање на интерес, на европски интерес” вели Ќучук во изјава за НОВА.
Борјан Јовановски