Оливер Илиевски, кандидатот на СДСМ за градоначалник на Куманово на прес конференција на прашање од новинар колку е вистинскиот долг на Општина Куманово и колку е вратен тој долг, одговори дека долгот на Општина Куманово е 700.000 евра, заедно со камати и извршни решенија е 4 милиони и да не се манипулираат граѓаните.
Одговорот на Илиевски ви го пренесуваме интегрално во продолжение:
„ Во нашата држава постојат позитивни законски регулативи како и сметководствена евиденција. Постои записник за побарувања и обрски на општината. Во 2018 година тој долг се зборуваше дека е 17 милиони евра, во 2019 дека е 12 милиони евра, сега се зборува дека е 11 милиони евра, така што во 2018 на почеток е пријавен долг 4 милиони евра, официјален документ од Општина Куманово до Владата, од кои 2 милиони евра се вратени од Владата, а 2 милиони евра од страна на Општината, но тука спаѓаат сите извршни решенија, правниците знаат дека тие до нивно издавање се состојат и од камата од долгот од претходниот период. Не треба да се манипулира со граѓаните, туку да се прикажат официјални бројки. ЈП Водовод Куманово во 2017 година по завршна сметка должи 7.3 милиони евра, по 4 години должи 8.3 милиони евра, повеќе за 1 милион од 2017, а ЈП Чистота и зеленило должи 1.2 милиони евра, другите се со помали долгови и сите се слични како во 2017 година. Треба да се каже дека Општина Куманово должи 700.000 евра по тековни обврски, а остатокот се извршни решенија, со се камата по тие извршни решенија. Оперативниот буџет за Општина Куманово за 4 години бил 14 милиони евра, од кои 12 милиони требало да се инвестираат во Куманово, Во идниот период сето тоа ќе биде анализирано, бидејќи јас лично не гледам инвестиции од 12 милиони евра од страна на Општината, на страна проектите на Владата кои се реализирани.“