Клиниката за Гинекологија и акушесрвто од Скопје, денеска преку демант го објаснува случајот што вчера ја окупира јавноста, кога татко тврдеше дека неговото дете наводно исчезнало од Клиниката.
-Во врска со инцидентот кој се случи на Клиниката за гинекологија и акушерство на 03.02.2018г. предизвикан од надворешно лице со идентитет познат на полицијата, а сопруг на породена пациентка, ја информираме јавноста дека станува збор за манипулација на јавноста поради следните причини, се вели во соопштението од ГАК денеска.
Од Клиниката тврдат дека случај не постои и дека „лицето кое го предизвикало инцидентот дошло да го види бебето во време на утринска визита и во време кога не е дозволена посета и покрај укажувањата од страна на вработените лица“.
Од Клиниката тврдат дека таткото не бил одбиен да го види своето дете, туку му било кажано да дојде во време одредено за посета односно во 16 часот.
– Не е точна дадената изјава дека бебето ,,му го нема,, туку дека мајката која како оперирана се уште е на интензивна нега и дека документите се се уште таму. Лицето во неколку наврати културно било информирано за редот на работата и процедурата на покажување на новороденчињата, се вели во соопштението, при што се додав дека дека заедно со татковот на ГАК дошло и „друго женско лице кое е претставено како близок член на семејството и кое се претсавило како лице вработено во скопска приватна клиника покажувајќи униформа со знак на истата“.
Од ГАК велат дека персоналот од одделението за пуерпериум и детско одделение е сослушан, а нивните изјави се нотирани во полиција и ниту во еден случај таткото не добил информација дека татково дете не постои.
-Детето идентификувано е покажано и по породувањето на мајката. Новороденчињата не се водат по име и презиме туку по број – родилен проткол, како и други заведени податоци, се наведува во соопштениеот од ГАК, при што се истакнува дека „таткото се однесувал неверојатно агресивно и пред очите на многу други цивили кои се понудиле како сведоци на овој настан“.
Од ГАК посочуваат дека однесувањето на таткото е регистрирано и на безбендосните камери.
-Во неколку наврати се втурнува на одделение на кое е забрането влез на цивилни лица што се забележува и на безбедносните камери. Таткото во изјавата наведува број на легла од болницата кој само вработените го знаат што секако е индикативно по друг основ, се заканувал удирајки со тупаници по стаклото од шалтерот со зборови дека ,,ќе фрлел бомба,, , ,,ќе ги убиел сите,, по што реагирале и вработените, ги навредувал медицинските сестри и докторката со највулгарни зборови исто така пред многу сведоци. На камерите точно се забележуваат и времето на телефонски разговори на лицето, неговото симнување, како и пристигнувањето на медиумот, се наведува во соопштението.
Случајот е пријавен во полиција и од страна на Управата на клиниката.
Што тврди таткото
Неколку медиуми вчера објавија вест дека се случува „драма на Клиниката за Гинекологија“, односно дека родители обвинуваат дека им го нема бебето. Тие објавија изјава од Јован Волчев од Скопје, според која тој „цел ден барал да ја види ќерката“. Тој натаму тврди дека по неколкучасовни шетања низ клиниката и расправии со медицинскиот персонал каде е новороденчето, на крај му покажале бебе на кое пишувало Василевска, па прецртано и напишано Волчева.
– Ми рекоа во девет часот има визита дојдете подоцна, отидовме во десет и тогаш ми викаат такво бебе со тоа име нема, но дојдете накај 11.30, отидовме и пак викаат не може да го видите заради историјата на мајката а подоцна кога ве повикав и вас ми покажаа бебе со презиме Василевска, но од кај да знам јас дека тоа е мое бебе може има повеќе василевски во болницата, е изјавата на Јован Волчев што ја пренесоа некои медиуми.
Тој повикал и полиција која на Клиниката направила записник и зела изјави од сите инволвирани страни. Таткото рече дека ќе бара и ДНК тест за да знаат кое дете ќе го однесат дома.
Но по првичната изјава со обвинувањата, Јован Волчев повеќе не се појави во јавноста.