Со цел унапредување на капацитетите на општините и граѓанските организации за во иднина да имплементираат проекти за развој на зеленото претприемништво и зелената економија, Центарот за истражување и информирање за животна средина „Еко-свест“ во последните три години го спроведе проектот „GEAR – Зелена економија за развој на регионот“.
Според извршната директорка на „Еко-свест“, Ана Чоловиќ-Лешоска, во рамки на проектот соработувале со општините, додека пак општина Центар била соработник на проектот.
– Голем број на организации не само што беа вклучени во активностите туку беа и подгрантисти, тоа значи дека тие добија можност да имплементираат проекти во делот Зелената економија во С. Македонија. Истото се случуваше во останатите земји на Балканот. Ние имавме многу поинтензивна соработка со Албанија, бидејќи патувањата беа пократки па така организиравме обуки во Албанија и Македонија за учесниците на двете држави, појаснува таа.
Според неа сега е предизвик за институциите да влезат во текот на Зелениот договор кој треба да се спроведе до 2030 година.
– Среќни сме дека гледаме и дека кај нас има интерес од страна на владите инстититуци да имплементираат зелени проекти затоа следните чекори ќе бидат продлабочување на тие врски со институциите. Знаеме дека кога граѓански сектор работи заедно со институциите резултатите се подобри за општеството. Во ред е да сме коректив на власта и да критикуваме но исто така е важно да работиме заедно на заедничката визија, додава Чоловиќ-Лешоска.
Според неа, во Македонија има голем потенцијал за трансформација кон зелената економија, декарбонизацијата и елиминирањето на фосилните горива дава еден многу убав патоказ за тоа како ние би се развивале во регионот со алтернативниот туризам, храната која ја произведуваме, значи сите тие алтернативни гранки кои во Македонија буквално можат да процветат за многу кратко време ако има финансиска поддршка во тој правец,
Изминатата година организирале се серија настани и работилници на тема ЕУ зелен договор и зелена агенда, иницирано е прашањето за “Greenwashing“ и како да се препознае истото како и организирани се обуки за подобра соработка помеѓу граѓанскиот сектор и јавниот сектор. Во рамки на проектот се изготвени и голем број информативни и промотивни материјали како торби, шишиња, усб картички, маички и серија на публикации и студии на тема зелена економија.
Проектот беше во партнерство со организации од Црна Гора, Босна, Албанија, Србија и со подршка на Хрватските организаци, а финансиран од Европската Унија.