Сосема нова песна се подготвува за Евровизија, музиката ја работи Дарко Димитров, а текстот е на Лазар Цветковски.
Македонскиот радио телевизија, своето право за менување на евровизизиската песна до 18. март го користи целосно и ја повлекува песната „Империја“.
Неофицијално, песната „Империја“, од авторите Симеон Атанасов, Дејан Момировски, според текст на Борче Нечовски, во изведба на Есма и Лозано нема да биде изведена во мај, на Евросонг во Шведска.
Песната „Империја“ и спотот за неа, изработен од продукцијата „Егзит Б“ беше јавно претставена со шоу – програма на МТВ, на 28. февруари. Реакциите на јавноста беа прилично остри за насловот „Империја“, а особено за спотот, во кој се промовираат објектите од проектот „Скопје 2014“. Појавувањето на споменикот на Александар Македонски во спотот на „Империја“, предизвика и очекувани реакции од Грција.